Friday, July 3, 2009

නොමිලේ Mail Server එකක්?

ඔබට අයිතිව ඔබේම ඩොමේනයක් (Domain) තිබේ නම් දැන් ඔබටම කියා ඊමේල් සර්වරයක් නොමිලේම ලබාගන්න හැකියාව තියෙනව. එමගින් ඔබට අමතර වියදම් දැරීමකින් තොරව you@yourdomain ආකාරයේ ඊමේල් ලිපින උපරිමය 50ක් දක්වා නොමිලේම ලබා ගත හැකියි. මෙම සේවාව අප වෙත ලබා දෙන්නෙ සුප්‍රසිද්ධ ගූගල් සමාගම මගින් සපයන google apps සේවාව මගිනුයි. මෙය දැන් බොහෝ කාලයක සිට සිට ලබා දෙන සේවාවක් නිසා සමහර විට දැනටමත් ඔබ මේ ගැන දන්නවාත් ඇති. නමුත් google apps වෙබ් අඩවියට ඇතුලු වූ විට දැන් මෙම නොමිලේ ලබා දෙන සේවාව ගැන සඳහනක් නැතිම කරම්. ඒකට හේතුව තමයි ඔවුන් ඔවුන්ගේ මෙම සේවාව Corporate සහ Standard වශයෙන් කොටස් දෙකකට බෙදා ඔවුන්ට වැඩි ලාභ ගෙන දෙන Corporate සේවාව පමණක් ප්‍රවර්ධනය කිරීම. නමුත් මෙතනින් ඔබට පුලුවන් Standard සේවාව ලබා ගන්න. ඔබට අවශ්‍ය වෙන්නෙ ඔබේ පාලනය යටතේ පවතින ඩොමේන් නාමයක් පමණයි. මෙම සේවාව Gmail මගින් සක්‍රිය කර ඇති නිසා Gmail හිදී ලැබෙන ආරක්ෂාව වගේම Google calendar, Google docs ආදී සේවාවනුත් නොමිලේම ලැබෙන අතරම මෙය POP3 සහ IMAP සඳහාද සහාය දක්වනවා. ඔබට කරන්න අවශ්‍ය වෙන්නේ ඔබේ ඩොමේනය google apps සමග ලියාපදිංචි කිරීමෙන් පසු ඔවුන් ලබා දෙන සර්වර් ලිපින (Server Addresses) ඔබේ ඩොමේනයේ පරිපාලක පුවරුවේ ඇති MX record එක ලෙස ලබාදීම පමණයි. ඉන් පසු උපරිමය 50ක් දක්වා ඔබට අවශ්‍ය පරිදි ඊමේල් ලිපින නිර්මාණය කර ගත හැකියි.



Related Articles by Categories


1 ප්‍රතිචාර:

  • GNS said...
     

    උපරිම 'ගිණුම්' 50ක්...

    මේල් ඇඩ්රස් (alias මඟින්) ඕනෙ තරමක්... ;)

Grab this Widget ~ Blogger Accessories