Thursday, November 5, 2009

ආදරයත් රසවත් නැත ඒ වගෙ නැත්නම්

ආදරයේ ඇති තවත් සුන්දර පැතිකඩක් ගැන කියවෙන අපූරු ගීතයක්. ජීවිතයේ කවදාම හරි දවසක අපි හැමෝටම මේ ප්‍රශ්නෙ කාගෙන් හරි අහන්න වෙයි වචනෙන් බැරි උනත් හිතෙන් හරි.

කවදාද කොහොම කොයි තැනකද අප හමු වූයේ
හැමදාම ඇසිමි ඔබ නැත මට පිලිතුරු කීවේ

ඔබ එදා ඉඳන් කී දවසක් මා හැ‍ඩෙව්ව ද
ඔබ එදා ඉඳන් කී දවසක් මා නැලෙව්ව ද
දිනකදි ලංවී දිනකදි ඈතට යනවා
දිනකදි එනවා තව දිනකදි සැංගෙනවා

කවදාද කොහොම කොයි තැනකද අප හමු වූයේ
හැමදාම ඇසිමි ඔබ නැත මට පිලිතුරු කීවේ

දිගටම එහෙමයි අද හෙට මතුත් එහෙමද
අප යන මග නිම වන්නේ කොහෙන් කොහොමද
ජීවිතයට හොඳටම ඇති මේ ලෙස ඇත්නම්
ආදරයත් රසවත් නැත ඒ වගෙ නැත්නම්

කවදාද කොහොම කොයි තැනකද අප හමු වූයේ
හැමදාම ඇසිමි ඔබ නැත මට පිලිතුරු කීවේ

මුල් ගායනය : මිල්ටන් පෙරේරා



Related Articles by Categories


2 ප්‍රතිචාර:

Grab this Widget ~ Blogger Accessories