Sunday, June 28, 2009

රළ බි‍ඳෙන හඬයි රෑ යාමේ ඈත ඇසෙන්නේ...

අද අරමුණක් නැතුව අන්තර්ජාලයෙ අතරමං වෙලා ඉන්න අතරෙ සිංදුවක් හොයන්න හිතුන. අන්තිමට හොයා ගත්ත. මේ සිංදුව මීට කලින් මම ජීවිතේටම අහල තියෙන්නෙ දෙවතාවයි. ඒකත් ප්‍රයිවෙට් බස් එකකදි. අන්තිම පාරට ඇහුනෙ මීට අවුරුදු හය හතකට කලින්. මේ සිදුවීමම නොවුනත් මීට බොහෝ දුරට සමාන පෞද්ගලික අද්දැකීමක් (තහනම් පෙමක් නම් නෙවෙයි) තියෙන නිසා වෙන්න ඇති මගේ හිතට මේ තරම් තදින් මේ සිංදුව කාවැදුනෙ. මේක ගායනා කරල තියෙන්නෙ ආසිරි ප්‍රියන්ත කියල කෙනෙක්. මට ලැබුනු MP3 ගොණුවෙ Audio Quality එක නම් සතුටුදායක නැහැ.

video

Thursday, June 25, 2009

Porn Site සඳහා සරල පිලියමක්



ලංකාව තුල ක්‍රියාත්මක අන්තර්ජාල සේවා මගින් අසභ්‍ය වෙබ් අඩවි වෙත පිවිසීම නීතියෙන් තහනම් කර බොහෝ කලක් ගියත් තවමත් ඒක ක්‍රියාත්මක වෙලා නම් නෑ. ඉතින් ‍හුඟ දෙනෙක් මේවා නවත්වන්න කරන්නෙ සල්ලි දීලා Parental controlling software ස්ථාපනය කර ගන්න එක. ඒවත් දැම්ම පලියට වැඩ කරන්නෙ නෑ tuneup කරන්නත් වෙනව. මේ කියන්න යන්නෙ නොමිලේම tuneup කරලම අපිට මේ සේවය ලබා දෙන තැනක් ගැන.


මේකෙ නම ScrubIt . කරන්න තියෙන්නෙ අපේ අන්තර්ජාල සබඳතාවයෙ DNS address එක විදියට මේ අයගෙ DNS Server Address දෙන එක විතරයි. හැබැයි අනික් කිසිම DNS Server Address එකක් වත් මේ සමග යෙදුවොත් නම් වැඩේ අල වෙනව. හරිම සරලයි. වැඩි විස්තර මෙතනින්. තාක්ෂණික දැනුම අඩු අයට මේක කර ගන්න DNS Config Utilityකකුත් තියෙනව මේ අඩවියෙ.





Wednesday, June 24, 2009

මගේ අලුත් Theme එක

මට බ්ලොග් එකේ තිබුනු theme එක දැකලම ඇති වෙලා අලුත් එකක් හෙව්වා දාන්න. ඒත් හරියන එකක් හම්බවුනේ නම් නෑ. මොනවා කරන්නද මේ දාල තියෙන එක තමයි ටිකක් හිතට ඇල්ලුවෙ. ඒත් ඒකත් අප්සෙට් වගේ කියල හිතෙනව. ඔයාලට මොනාද හිතෙන්නෙ මේ theme එක ගැන. හොඳ theme download කරගන්න තැනක් දන්නව නම් කවුරු හරි කිව්වොත් ලොකු උදව්වක්. ටිකක් uncommon theme එකක් නම් ‍වඩා හොඳයි. හොඳ එකක් ලැබෙනකම් මේකම ඇඳගෙන ඉන්නව.

Tuesday, June 23, 2009

අපි ආයේ දවසක.......

මේ සිංදුව කියන්නෙ කවුද කියල නම් දන්නෙ නෑ මම. Youtube එකේ තමයි තිබුනෙ. හිතට ටිකක් දැනුනු නිසා බ්ලොග් එකේ දාන්න හිතුනා. අහලම බලන්නකො.

Wednesday, June 17, 2009

18 වෙනිදා

18 කියන්නෙ මගෙ ජීවිතේ වැදගත් සිද්ධීන් කීපයක්ම සිදු උනු දිනයක්. මම හා හා පුරා කියල මුලින්ම රැකියාවකට කියල ගියෙ 1999 ජනවාරි 18, ඒකෙන් අස් වුනේ 2001 දෙසැම්බර් 18. ඔය අතරෙ පෙම්වතියක් හමු ‍උනා 2001 මැයි 18 (දැන් නම් කවුරුත් නෑ). දෙවෙනි රස්සාවට ගියෙ 2002 ජනවාරි 18. මගෙ රියදුරු බලපත්‍රය ලබා ගත්තෙ 1999 පෙබරවාරි 18. මම මේ ලෝකෙට ඇවිත් තියෙන්නෙ 1978 ජූනි 18 වෙනිද නිසා ඒ ඔක්කොටම වඩා 18 මට වැදගත්.

ඒ කියන්නෙ හෙටට මට අවුරුදුම 31 සම්පූර්ණ වෙනව. මේ අවුරුදු 31 පුරාවටම ලබපු අද්දැකීම් සිහියෙ තියාගෙන ඉදිරි කාලෙ ගෙවන්න තමයි හිතන් ඉන්නෙ. පහු ගිය කාලය දෙස හැරිල බලන කොට දුක සතුට දෙකම සමබරව නොදැනෙන්නෙ ඇයි කියල නම් හිතා ගන්න අමාරුයි. වෙලාවකට දුක වැඩියි. වෙලාවකට සතුට වැඩියි. හැබැයි කවුරු හරි මට අවස්ථාවක් දුන්නොත් අතීතයට ගිහින් මට වැරදුනු තැන් ගැන නැවත සිතා බලන්න මට හදාගන්න තැන් බොහොමයක් වගේම ජීවිතය පුරාවටම දුක දැනුනත් වෙනස් කරන්න බැරි අන් අය වෙනුවෙන් ගනිපු තීරණත් දෙක තුනක් තියෙනව. මගේ ජීවිතේ ඉස්සරහට මහ මෙරක් තරමට බලාපොරොත්තු නම් නෑ. ‍ඉපදුනු දවසෙ ඉදන් හදපු වඩපු දෙමාපියන්ට සලකන එක තමයි තියෙන ලොකුම බලාපොරොත්තුව. ඒ අතරතුරේ ජීවිතේ ගලාගෙන යයි. අපි බලන් ඉමු.


Wednesday, June 10, 2009

මා තනි නොකරන් සබද


Wednesday, June 3, 2009

මට උනු හදියක්


සතියක් තිස්සෙ එක දිගටම වැඩ කරල අද තමයි නිදහස් උනේ. මුලින්ම උනේ අපේ මේල් සර්වර් IP එක black list වෙන්න ගත්ත එක. හේතුව තමයි මේ සදහා යොදාගෙන තිබුනු ADSL සබදතාවයම අන්තර්ජාල භාවිතය සදහාත් යොදා ගැනීම. නෙට්වර්ක් එකේ මොකක් හරි පරිගනකයකින් ස්පෑම් යවනව. අන්තිමට ඒක හොයා ගත්තෙ Wireshark කියන මෘදුකාංගය භාවිතා කරල. මේ tool එකින් නෙට්වර්ක් එකක හැම පරිගනකයක්ම භාවිතා කරන sevices / ports වෙන වෙනම බලාගන්න පුලුවන්. කොහොම හරි ආසාදනය වුනු පරිගනක දෙක තුන හොයාගෙන සුද්ද කලා කියමුකො හොදම හරිය උනේ ඊට පස්සෙ.
ඔය වැඩ අතරෙ PDC (Primery Domain Controller) එකටත් කෙල උනා. ඒකට හරි ගියෙත් මාස දෙක තුනකට කලින් ගත්තු backup එකක්. ඉතින් ඒ backup එක ගත්තට පස්සෙ ජාලයට එකතු කරපු users ලා සේරම අලුතින් හදන්න උනා. ඒ හදපු ගිනුමෙන් පරිනක වලට ලොග් වෙන කොට settings ඔක්කොම වෙනස් වෙලා Documents / Email මොනවත් නැහැ. අලුත් ගිණුම හදන කොට SID එක වෙනස් වෙන නිසා වෙනම user profile එකක් හැටියට තමයි පෙන්වන්නෙ. Windows Xp වල තියෙන file and settings transfer wizard එකට මේ වගේ දේකට කරන්න දෙයක් නෑ. නමුත් පරණ settings / Documents / Email ඔක්කොම user profile එකක් විදියට තියෙනවා. අන්තිමට ටිකිරි මොලේට ආව අදහසක් ක්‍රියාත්මක කලා. පරිගනකයට Admin විදියට ලොග් වෙලා පරණ profile එකේ ඔක්කොම files / folders අලුත් profile එක උඩින් කොපි කරලා අදාල user ගෙන් ලොග් වෙලා බැලුවා. යන්තම් වැඩේ ගොඩ.

Grab this Widget ~ Blogger Accessories