Saturday, January 31, 2009

යමක් හොදින් වටහා ගැනීමට නම් අප එහි කොටසක් විය යුතුයි

මේ මට බලන්න ලැබුනු හොදම විද්‍යා ප්‍රබන්ධ චිත්‍රපටි වලින් එකක්. චිත්‍රපටියෙ අවසානයට කිට්ටු වෙන තෙක්ම කතාව තේරුම් ගන්න අමාරුයි. ඒ උනාට ප්‍රෙක්ෂකයින්ව කුතුහලය සහිතව අවසානය තෙක් කතාවට බැද තබා ගන්න අධ්‍යක්ෂක වරයා සමත් වෙලා තියෙනවා.

මේකෙ ප්‍රධාන චරිතය කතාවෙ හැටියට ලොව හොදම ඉංජිනේරුවෙක්. ඔහුව යම් කිසි කන්ඩායමක් විසින් ඔවුන්ගේ ව්‍යාපෘතියක් සදහා බදවා ගන්නවා. මට තේරුන විදිහට ඊට පසු අවුරුදු තුනක්ම ඔහු ජීවත් වෙන්නෙ අනාගතයෙ. ව්‍යාපෘතිය සම්පූර්ණ කරලා ඔහු එලියට එන්නෙ මතකය මකා දමන ලද්දෙක් හැටියට. ඉන් පසු ඔහු තමන් වෙත ලැබෙන උපාංග 19 ක් සහිත පාර්සලයක් උපයෝගී කර ගනිමින් තමන්ව ඝාතනය කිරීමට එන අර මුලින් කී කණ්ඩායමෙන් ජීවිතය ගලවා ගන්නා ආරයත් සමග තමයි කතාව ගලාගෙන යන්නෙ. හරිම තාත්වික විදියට කරපු නිර්මාණයක්. චිත්‍රපටයෙ නම තමයි PAYCHECK. මේ trailer එක බලන්න එතකොට තේරෙයි මම කියන්නෙ බොරු නෙමේ කියලා.
video

Friday, January 30, 2009

80 වැනි සුලෝහිත මහා සංග්‍රාමය

කොළඹ ආනන්ද සහ නාලන්දා විද්‍යාල අතර වාර්ෂිකව පැවැත්වෙන මහා ක්‍රිකට් තරගය මේ අවුරුද්දෙත් මාර්තු 7 සහ 8 දෙදින තුල SSC එකේදි තියෙනවා. මේ කලින්ම දැනුම් දෙන්නෙ දවස් දෙක ඒ සදහා වෙන් කර ගන්නයි. මොකද කවුරුත් දන්න විදියට අපිට ආයෙත් පාසැල් කාලෙට යන්න පුලුවන් එදාට. කාලෙකින් නොදැකපු සහෘදයො එක්ක fun එකක් ගන්න එදාට සෙට් වෙමු

බ්ලොග් එකේ නම දාපු හැටි

මගේ බ්ලොග් එකේ නම දාන්න මුල් වුනු සිංදුව තමයි මේ. මුලින්ම මම දාපු නම තමයි “මම දකින විශ්වය”. ඒත් ඒක දැම්මාම මාව නිකන් දාර්ශනිකයෙක් (පොරක්) වගේ පේන්න ගත්තා මටම. ඉතින් වෙන නමක් ගැන දහ අතේ කල්පනා කරන කොට නිකම්ම වගේ මේ සිංදුව තොල් අතරෙ මිමිණෙන්න ගත්තා. එහෙම තමයි මේ බ්ලොග් එකේ නම හැදුනෙ.

මේක ගායනා කරන්නෙ සනත් නන්දසිරි. ඔහුගෙ කටහඩ නිසා මේ සිංදුවෙ තියෙන දුක්බර බව ඉතාම හොදින් හිතට දැනෙනවා. විමල් ජයශාන්ත නමැති මේ ගීතයෙ රචකයාට ගීතයට ගැලපෙනම කටහඩ ලැබිලා තියෙනවා. සංගීතයත් ගායකයාගෙන්මයි.

එදා මෙදා තුර කදුලට විවරවු - දෑස් පියන් පත් කවුලු වසා
ලයේ ගලා ගිය සෙනේහයේ සුව - සිනා පිරුනු රත් දෙතොල පියා
මිලාන වී ගිය රෝස කුසුම් පෙති - කම්මුල් සුදුමැලි පාට හොවා
දෑත ලයේ බැදි අවසන් ගමනට - සොදුරිය මට නොකියාම ගියා

දෑස් කවුලු පත් පලා කදුලු කැට - වෑහෙද්දී මගෙ දෑස් අගින්
කාත් කවුරුවත් ඇතත් හිතයි මට - පාත් වෙන්න ඔය මුවට උඩින්
ඈත්ව යන්නට සමුගෙන කවුරුත් - ඔබ මුව දොවතත් සුවද පැනින්
මාත් මගේ හිතටත් ඔබ සුවදයි - ඈත් නොවේමැයි ඒ සුවදින්

ඊයේ ඉපදී අද මියයන්නට - පෙරුම් පුරාගෙන උපන් ලයේ
හීයේ වේගෙන් අහස උසට බැදි - ආදර ලෝකය හෙටත් තියේ
ඒත් ඉතින් දැන් සොදුරියෙ ඔබ නැත - ඇයි මේ ලොව මා තනිව ගියේ
ආයේ දවසක එක හිත් ඇත්තන් - වී අපි ඉපදෙමු එකට ප්‍රියේ

Tuesday, January 27, 2009

Windows දෘඩාංග ධාවක ගොනු (Driver Files) සුරකින ක්‍රමයක්

පරිගනක කාර්මිකයින් බොහෝ විට මුහුන දෙන ප්‍රශ්නයක් තමයි තමන්ට අලුත්වැඩියාව සදහා ලැබෙන පරිගනක සමග ඒවායේ Driver CD නොලැබීම. මේ වෙලාවට එක්කෝ කාගෙන් හරි අදාල ගොනුව ඉල්ලා ගන්න වෙනවා නැත්නම් අන්තර්ජාලයෙන් බාගන්න වෙනවා. ඒත් එහෙම හොයාගන්න ඒවත් සමහරවිට 100% ක්ම ගැලපෙන්නෙ නැති වෙන්න පුලුවන්. අදාල පරිගනකයේ ස්ථාපනය කරලා තියෙන ධාවක ගොනු ටිකම Backup කර ගන්න ක්‍රමයක් තියෙනව නම් මරු නේද? ඔන්න ක්‍රමයක් තියෙනවා.
DriverMax කියන මෘදුකාංගය බාගත කරලා අදාල පරිගනකයේ ස්ථාපනය කරගත්තාම අපිට අවශ්‍යය සියලුම ධාවක ගොනු අපිට අවශ්‍යය තැනකට Export කර ගන්න පුලුවන් අවශ්‍යය විටක නැවත ස්ථාපනය කර ගැනීම සදහා. බය වෙන්න දෙයක් නෑ මේක නොමිලේ බෙදාහරින එකක්. පරිගනකයට හානියකුත් නැහැ.හැබැයි මේක කරන්න ඕන FRI ක්‍රමය අනුගමනය කරන්න කලින්. මේ අඩවියෙ තව ඔය වගේ මෘදුකාංග ගොඩක් තියෙනවා. මම තාම පාව්ච්චි කලේ මේක විතරයි. ට්‍රයි කොරල බලන්ඩ.මේකෙ පින්තූර ටිකක් මෙතනින් බලන්න පුලුවන්

Sunday, January 25, 2009

සිතින් විතරක් පෙම් කරන්නම්

සිත සවි වී නම් සිතැගි කියන්නට
මා සතු වේ ඔබ දිවිය පුරාවට
අපේ මතකයන් අමතක නොවනට
නිධන් කරමි ඒ කාලය සදහට

ඉරණම එලෙසම ගලා ගියාදෙන්
දෙදෙනම දන්නා සත්‍යයය එයනම්
මගේ හැගුම් මා සිරකර ගන්නම්
සිත් ගත් සොදුරිය නොකර තිගැස්සුම්

කාලය සමගින් දිවිය ගලන විට
ආලය ඇත සිත සදාකාලයට
සිතුවිලි වී ඇත සගවා ගන්නට
අහිම් නිසා ඔබ මා ජීවිතයට

Monday, January 19, 2009

මගේම නෙත් යුග

මේ සිංදුව මට ඊයෙ වුනු සිද්ධියක් නිසා තමයි මතකෙට ආවෙ. ගායනා කරන්නෙ සුනිල් එදිරිසිංහ. ලිව්වෙ කවුද කියලා නම් දන්නෙ නෑ. ඒත් ලියපු කෙනාටත් මට වගේ අද්දැකීමක් ඇති සමහර විට.

ඒ සිනාවමයි, ඒ කතාවමයි, ඒ මුහුණමයි, ඒ එයාමයි. නෑ ඒ එයා නෙවෙයි.


මගේම නෙතු යුග
අසරණ මා ඇයි
මේ ලෙස රිදවන්නේ...
මගේ සවන් යුග
තනිවූ මා සිත
ඇයිදෝ රිදවන්නේ..

යන එන මාවත
ගැවසෙන රූ මැද
ඇයගේ රුවම මවා..
මා රවටා හිනැහෙන්නට තරමට
නෙත් යුග කුරිරු වෙලා..

නිසසල හැම විට
සිහිනෙක විලසට
ඇයගේ හඩම මවා..
මා රවටා සැනසෙන්නට තරමට
දෙසවන් නපුරු වෙලා

Friday, January 16, 2009

වහාම ක්‍රියාත්මක වන පරිදි මහරගම නගරය, තම පදිංචිය වෙනස් කරයි

මට මේක පෙන්නුවෙ මගෙ යාළුවෙක්. මහරගම පැත්තෙ පදිංචි අයට 12 වෙනිදගෙන් පස්සෙ වෙනසක් එහෙම තේරුනාද? හික්... හික්...... මේ කට්ටිය (AirTel) මහරගම ටවුම, ජා ඇල කිට්ටුවට අරන් ගිහින්.මාත් අද හවස මහරගම යන්න හිටියෙ. මේක දැක්කෙ හොද වෙලාවට නැත්නම් හයිලෙවල් පාරෙනෙ යන්නෙ. අනේ මන්දා. මේ ගොල්ලන්වත් යවන්න ඕන අර සිරසෙ පුංචි පහේ මං කියන වැඩසටහනට. අර රේඩියෝ එකේ ටී වී එකේ *මාත් AirTel වලට ගියා* කියලා කියවන කට්ටියට දෙයියන්ගෙම පිහිට තමයි.

Thursday, January 15, 2009

AirTel ලංකාවෙ සිතියමත් වෙනස් කරයිද?

අවුරුදු කීපයක ඉදලා AirTel එනවා කියලා අපේ සමහරු කෙකර ගෑවනෙ. ඒ කෙකර ගාලා දාපු බිත්තරේ තරම දැන් ටික ටික පේන්න අරගෙන. දුරකථන ගාස්තුත් සාපේක්ෂව අඩුයි වගේ පෙනුනට අන්තිම බිල අනික් ඒවාගේ ගානම වෙනවා. අනික මාර්තු 31 න් පස්සෙ ගාස්තු තවත් වැඩි වෙනවා. මම මේ ලියන්න ආවෙ AirTel ගාස්තු ගැන නම් නෙවෙයි. මේ සමාගමේ නොසැලකිලිමත් කම ගැන කතාවක්. මාත් AirTel නොගත්තට විස්තර ටිකක් බලන්න මේ ගොල්ලන්ගෙ වෙබ් අඩවියට ගියා. ඒකෙ සේවා මධ්‍යස්ථාන ලැයිස්තුවෙ රත්නපුර සේවා මධ්‍යස්ථානයෙ ලිපිනය දැක්කම තමයි මට බය හිතුනෙ AirTel ලංකාවෙ සිතියමත් වෙනස් කරයිද කියලා. මොකද ඒක තියෙන්නෙ ගාල්ලෙලු. මේ අයගෙ විස්තර පත්‍රිකා වලත් මේ වගේ දෝෂ ගොඩක් මම දැක්කා.
මට නම් හිතෙන විදිහට මේ වගේ දේවල් සුළු අතපසුවීම් කියල අතඅරින්න බෑ මේක මහා පරිමාණ සමාගමක් නිසා. මේ වගේ සුළු දෙයක් ගැනවත් සැලකිල්ලක් නොදක්වන සමාගමකින් ගුණාත්මක සේවාවක් මම නම් කොහෙත්ම බලාපොරොත්තු වෙන්නෙ නෑ. ඩයලොග් මට හොදයි.

Tuesday, January 13, 2009

Office 2007 ගොනු ඇරගන්න බැරිද ?

මයික්‍රොසොෆ්ට් ආයතනයෙන් ඔෆිස් 2007 පැකේජය නිකුත් කිරීමත් සමගම, පැරණි වෙලුම් භාවිතා කල පිරිස පොඩි අමාරුවක වැටුනා. ඒ තමයි මෙතෙක් භාවිතා කරපු file extention සියල්ලම 2007 වලදි වෙනස් කරලා තිබීම ( doc -> docx , xls -> xlsx වගේ). ඔෆිස් 2007 ස්ථාපිත කරගන්න පුළුවන් මට්ටමේ පරිගනක පාවිච්චි කරපු සමහරක් නම් 2007 දාගත්ත. නමුත් 2007 වල අතුරු මුහුණතත් ගොඩක් වෙනස් නිසා වැඩි දෙනෙක් 2003 වලම රැදුනා. මාත් ඉන් එක්කෙනෙක්.
ඔෆිස් 2007 ගොණුවක් කවුරු හරි එව්වම ඒක ඇරගන්න බැරි නිසා ආපහු එවපු කෙනාටම කියලා පරණ Format එකට Save කරවා ගන්නවා. පරිගනක භාවිතය ගැන වැඩිය නොදන්න කෙනෙකුට නම් ඉතින් ග්‍රීක් තමයි මෙහෙම උනාම.
ඔන්න දැන් මයික්‍රොසොෆ්ට් එක ඒ ප්‍රශ්න ඔක්කොම විසදලා. නොමිලේ බාගත කරගන්න පුළුවන් 2007 / 2003 පරිවර්තකයක් දීලා තියෙනවා. ඔෆිස් 2003 පරිශීලකයන්ට ඒක මෙතනින් භාගත කරගෙන ස්ථාපනය කර ගත්තාම නිකම්ම 2007 ගොනුත් ඇර ගන්න පුළුවන්.

Wednesday, January 7, 2009

මාළු උකුණා

මම මේ ලියන්නෙ උකුණන් විශේෂයක් ගැන. මිනිසුන්ට හැදෙන උකුණො නෙවෙයි මේ මාළුන්ට බෝවෙන උකුණො විශේෂයක් (Fish Lice). මම සුරතලේට ඇතිකරන රන් මස්සො (Gold Fish) ටිකට මේ ලෙඩේ හැදුනු නිසා අන්තර්ජාලයෙන් ඒ ගැන සොයාගත්ත විස්තර ටිකක් තමයි මේ කියන්න යන්නෙ. සුරතල් මාළු ඇති කරන කාටත් මේක වැදගත් වෙයි කියලා හිතුනු නිසා.

මේ උකුණා (Argulus) ඇත්තටම පරපෝෂිතයෙක්. උන් වැඩෙන්නෙ අපි ඇති කරන මාළුන්ගෙ ලේ උරා බීමෙනුයි. උන් ලේ උරා බීමේදි මාළුන්ගේ ශරීරය තුවාල වන නිසාත් එහිදී උකුණන් පිටකරන ශ්‍රාවයක් නිසා එම තුවාල සුව නොවන නිසාත් අවදානම දෙගුණ වෙනවා. මේක ඉතාම ලේසියෙන් සුව කරන්න පුළුවන් ආසාදනයක් උනත් නොදැනුවත්කම නිසා ගොඩාක් වෙලාවට වෙන්නෙ මාළු මැරිලා යන එක.

මට මේ ඇබැද්දිය උනේ දෙවෙනි පාරට. පලවෙනි සැ‍ෙර්දි නම් බෙහෙතක් හොයා ගන්න බැරි උනා. ඉතින් මම කලේ මාළුන්ව පරිස්සමට අල්ලලා tooth pick එකක් ආධාරයෙන් උකුණො ටික ගලවලා අයින් කරන එක. Angel වගේ මාළු මෙ උකූණන්ව ආහාරයට ගන්න නිසා ජෛව පාලන ක්‍රමයක් විදියට ඒක භාවිතා කරන්න පුලුවන්. මේ සැරේ නම් බෙහෙතක් හම්බඋනා. ඒත් පරන ක්‍රමේ ෂුවර් නිසා බෙහෙත් දාලත්, සත්තු ටික අතින් ගැලෙව්වා. මේ ගැන වැඩි විස්තර මෙතනින් බලා ගන්න පුලුවන්

Sunday, January 4, 2009

බිල් ගේට්ස් ගේ නය ගෙවීමට ඉක්මන් ක්‍රමයක්

ඇත්තටම Ububtu තමයි මම හිතන විදියට වින්ඩෝස් වලින් විවෘත කේත ලෝකයට පිවිසෙන්න තියෙන පහසුම මාර්ගය. මාත් කාලෙක ඉදන් වින්ඩෝස් වලින් ගැලවෙන්න ක්‍රමයක් හෙව්වට එක පාරටම වින්ඩෝස් වලින් ගැලවෙන්න බෑ. ටික ටික තමයි පුරුදු වෙන්න ඕන. ඉතින් වින්ඩෝස් මත උබුන්ටු ධාවනය කරන්න ක්‍රමයක් හෙව්වා. Microsoft virtual PC ලිනක්ස් සමග ක්‍රියාත්මක වෙන්නෙ නෑ. VMWare සහ Virtual Box කියන මෘදුකාංග දෙක ලිනක්ස් වලට සහයෝගය දැක්වූවත් Virtual Box තමයි නොමිලේ ලබා ගන්න හැකියාව තියෙන්නෙ.
මේ තියෙන්නෙ මම වින්ඩෝස් විස්ටා මත උබුන්ටු ධාවනය කරන අවස්ථා දෙකක්. Virtual Box වල තියෙන විශේෂ පහසුකමක් තමයි දෙවෙනි පින්තූරෙ තියෙන්නෙ.


ඒකට කියන්නෙ Seamless mode කියලා. Microsoft virtual PC සහ VMWare හි තියෙන Full Screen mode එක ව‍ගේ උනාට මේකෙදි අපේ වින්ඩෝස් මුහුනත හැංගෙන්නෙ නෑ. මරු , දෙකම එක විට පාවිච්ච් කරන්න පුලුවන්. ඒක නිසා දැන් Dual Boot ක්‍රමේට සමු දෙන්නත් පුලුවන්. මේ විදියටම ලිනක්ස් මත Virtual Box ස්ථාපනය කරලා ඒ මත වින්ඩෝස් නැත්නම් වෙනත් ඕනම මෙහෙයුම් පද්ධතියක් ධාවනය කරවන්න පුලුවන්. ඉක්මනටම මයික්‍රොසොෆ්ට් එකට නය ගෙවන එක නවත්වා ගන්නත් පුලුවන් මේ විදියට වින්ඩෝස් මත හිදගෙනම වෙනත් මෙහෙයුම් පද්ධතියකට හුරු උනාම.

Grab this Widget ~ Blogger Accessories